35歲嘅台灣女子組合S.H.E成員Ella(陳嘉樺)同老公賴斯翔結婚4年幾，上年成功造人，上月12日終於榮升做媽媽，仲要係一索得男「勁寶」(新聞連結： http://bit.ly/2rKYDrZ )，今日Ella就喺微博貼咗好多勁寶好可愛嘅寫真，佢仲話勁寶哥轉眼已經滿月，仲過着啲大爺嘅生活，一餐要食130ml奶，同爸爸一樣咁愛吃，所以體重已經有近10磅(4300g)，而Ella就忙住咁設計咗一個好靚嘅「油飯禮盒」送俾親友，Ella又話因為要做到符合勁寶哥嘅質感，所以就延遲咗少少先送禮盒俾親友。

講到囝囝，Ella真係滔滔不絕，佢話：「勁寶哥平安健康的滿月囉！勁寶哥本人目前過著大爺般的生活，所以油飯的事就由國劇季星的媽媽代勞，由於我設定自己的身份是高級設計師，堅持油飯禮盒的設計一定要符合勁寶哥的質感，所以延遲了好幾天才發油飯」，此外，呢位星級設計師Ella仲喺留言到講解今次油飯禮盒嘅設計概念，佢話：「環保手提袋上繡著「招柴勁寶」的紅字，也代表著我們家的兩個小寶貝-柴犬布丁和人類勁寶！希望拿到油飯的朋友可以感受到喜慶與吉祥的氣氛，而且吃完油飯還可以繼續使用這個由我這位高級設計師設計的環保手提袋去買菜或裝便當天啊！我好周到！我好完美！」

跟住爹哋亦都有轉發Ella嘅微博話：「勁寶啊勁寶！你的到來雖然使我們兩個新手爸媽忙得天翻地覆，看著你一天一天長大，奶越喝越多，開始會有互動，吃飽喜歡玩一會兒再睡，喜歡泡澡游泳，哭聲也越來越大，一切一切都好欣慰。希望你繼續健健康康，頭好壯壯，爸爸愛你。更期待回家開始與布丁姐姐團聚，一家人快快樂樂，平平安安。來自家」