曾演出韓劇《請回答1994》嘅21歲女星都熙，早前拍攝咗一輯新相，不過照片一公開即被韓國網民狠批，指輯相涉嫌有孌童意識而引起熱烈討論。

早前攝影師Rotta於Instagram公開一輯為都熙拍攝嘅新相，照片中都熙穿上短袖衫同短褲，本來成個造型係好清純，不過佢就以一對無辜眼嘅眼神於梳化上大擺誘人甫士，其中一張更狂谷事業線。有網民就批評呢輯相疑似以孌童為拍攝概念，留言「任何情況下都唔可以接受有孌童意識嘅相」、「唔好以藝術為藉口拍攝有孌童意識嘅相」等。