iPhone5s出咗幾日，銷售表現強勁，特別是金色版，收機價更炒高逾萬元。蘋果即時報捷，指iPhone5s及5c首三日銷量已經有900萬部，唔單止好過市場預期的600萬部，仲超越iPhone5舊年同期表現！仲估計第四季收入可達預期上限，約370億美元，毛利率升達36%至37%。新機咁好賣，當然刺激蘋果股價昨日升4%收490.64美元。

之不過，唔知係咪金色機太搶手，今日有網民就話預訂咗兩部64GB金色iPhone5s，並成功去到完成預訂專頁，可以在今朝10點至11點期間，去銅鑼灣AppleShop拎機，點知去到Apple話系統無預訂記錄，要網民自行解決。

今次Apple既然難得成功奪回部分「果迷」芳心，咁混亂嘅預訂系統同服務態度，又真係唔要得喎！