星期二（1月1日）沙田元旦賽馬日，沙田編跑11場，草地用C跑道角逐，上季同期賽事，莫雷拉贏五場，史卓豐也有兩Win，而練馬師成績，當然以蔡約翰最醒，拍住莫雷拉贏四場，另何良及高伯新都各贏兩仗。睇番今次賽事，上述騎練之參戰馬匹實力都唔錯，有望繼續攞威。

第八場二班1200米：「精益求精」今季馬房有所部署，跑三仗並非最合適路程，旨在逐步提升狀態，例如上仗跑直路賽，操練未見積極，記得上季一定頻拍跳或有大閘工夫，而上仗賽前只拍了一課，但陣上表現唔錯，後追負一馬位跑第五。

若推算無錯，上賽可當試個大閘，為今仗作好準備。今次跑番1200米，正是最佳路程，在二班跑了兩仗，適應了步速，李寶利已摸熟脾性，負輕磅，今回應是出擊目標，有分頭值得一博。

「帝豪福星」上仗能在國際賽日（9日）贏馬，且拋開對手「京京千里」四個馬位，造出極快時間，認真唔簡單，復課由潘頓接手，一個大閘及一課快跳，試閘該組有多匹高分馬，結果頭二馬是「紅衣優駿」及「平湖之星」。

「帝豪福星」搶放兩段按實墮後，示人以弱，論狀態有進無退，當然是爭勝主角。

「妙算達人」粗壯大馬，上仗初出跑泥地也上名，熱身後大有幫助，轉戰田草1200米更合適，可介入一戰。「手到回來」剛戰可跟「精算風暴」纏鬥僅敗，能力不用懷疑。

「鄉村瑰寶」轉場，但同系馬多是田草高班材料，適應無問題，復課上從化操練，試閘輕鬆取勝，這兩駒均可加入戰團。