當年今日
關於我們

未受偷食醜聞影響 渡邊謙落實演大河劇《西鄉殿》

蘋果日報 2017/06/27 16:30

偷食渡邊謙南果步西鄉殿

日本男星渡邊謙與第二任太太南果步曾屬圈中模範夫妻,去年兩人先後公佈患癌消息,雙方互相扶持,點知今年三月,現年57歲嘅渡邊謙被踢爆偷食,佢被拍得與只得36歲嘅圈外小三喺紐約煙韌拍拖,仲公開多張親密合照,令渡邊謙建立嘅好男人形象盡毁,其代言廣告亦被抽起。
有傳渡邊謙一早落實有份參演鈴木亮平孭飛2018年度大河劇《西鄉殿》,但因為爆出偷食醜聞,佢被指可能因形象差被飛起,不過今日電視台正式落實,渡邊謙會於《西鄉殿》演出一角,係佢相隔17年再拍大河劇,佢於劇中演島津齊彬一角,係對飾演西鄉隆盛嘅鈴木亮平極為重要嘅人物。
而之前有傳南果步因老公偷食大受打擊,現時渡邊謙現已搬離二人豪宅到酒店暫住,兩夫妻暫時分開。南果步亦已重新投入工作,將拍攝新劇《定年女子》,有雜誌日前於東京追訪南果步,但對於提到渡邊謙,或問到佢係咪有意離婚等問題,佢都未有回應。
empty
渡邊謙未有因偷食醜聞被飛出大河劇《西鄉殿》。
empty
鈴木亮平孭飛2018年度大河劇《西鄉殿》。
empty
渡邊謙與南果步一直表現恩愛。
empty
南果步日前被傳媒追訪,但未有回應關於渡邊謙或離婚問題。