日本年度除夕盛事《紅白歌唱大賽》，今年盛傳會搵重量級女星渡邊直美擔任紅組司儀。

報道話渡邊直美粉絲層面甚廣，深受男女老少歡迎，Instagram擁有逾700萬粉絲人氣強勁，渡邊直美除咗識得搞笑，現時佢正首度孭飛演劇集《神奈小姐！》，證明渡邊直美扮嘢之外，仲有演技，令佢更加入屋。

報道話如果消息落實，將會喺相隔22年再有諧星做紅組司儀。