日本尊尼事務所男星龜梨和也為明年1月開播嘅富士劇《FINAL CUT》擔任主角，點知劇集開鏡冇耐，即傳來龜梨受傷消息，呢套劇嘅官方網站已就事件發文道歉。

據劇組方面透露，龜梨於前日在公園拍攝一場高難度動作場面時不慎整傷左手，當佢被送往醫院診治後，發現龜梨左手骨折，醫生建議下減少郁動左手，龜梨之後仍負傷繼續拍攝，當日戲份也順利進行，而佢傷勢估計要四星期方可痊癒。

龜梨在《FINAL CUT》中挑戰演技，其角色在就讀高中時，經歷母親被誣告殺人後自殺身亡，在12年后決定向當年迫害其母嘅相關人等展開復仇，並希望找出真凶，同劇仲有藤木直人、水野美紀、橋本環奈及林遣都等合演。

更多娛聞，喺晒《娛果》
http://fb.com/appledailyent