阿根廷周一喺美洲國家盃A組分組賽對巴拉圭，係巴塞隆拿球星美斯平紀錄第147次代表國家隊上陣，雖然美斯冇入波，但阿根廷憑艾真度高美斯入球，1:0小勝巴拉圭，3戰得7分升上榜首，穩奪八強席位。阿根廷開波10分鐘就由艾真度高美斯接應迪馬利亞助攻後近射得手，1:0領先直到完場。阿古路今場正選為阿根廷披甲，係2019年11月以嚟第1次喺國際賽踢正選，但佢表現乏善足陳，59分鐘就被調離場。賽後阿根廷穩奪八強席位，同日俾烏拉圭逼和1:1嘅智利亦出線。