民政事務局局長何志平初三去車公廟上香禮佛，為香港求得支下籤，普遍市民知道個心就唔多高興，甚至認為連個天都唔幫我哋，更埋怨何局長黑仔。八方反而好奇，乜啲高官大人去求籤，唔係造馬抽起晒啲下籤嘅咩？

新廟祝一時大意
為咗噚求真相，八方特地去車公廟行咗一趟。在誠心上香後，行出門口就去問一位喺車公廟擺檔解籤已經好幾年嘅施居士。施居士將何局長何以求得下籤嘅因由分析畀八方聽，佢話因為今年車公廟廟祝換咗人，過往啲廟祝都會好「識做」，喺政府官員嚟之前，會喺籤筒做手腳，將啲下籤抽走晒，擺番多啲上籤落去。佢話可能都係呢位新任廟祝一時大意，唔記得咗要順應「民意」，先至搞到場面咁尷尬。
不過施居士都話，求得支下籤唔緊要，籤淨係佔咗運程嘅五成，其實解籤都要配合番求籤人嘅風水命理，夾得好分分鐘可以扭轉乾坤㗎！
不過，好似何局長未曾食齋、禮佛未夠誠心就求籤嘅話，出來嘅結果都唔會準，所以各位市民都唔使咁介懷。
（圖）施居士話廟祝一不小心，唔記得抽走晒啲下籤。


傳真︰2623-9278
電郵︰[email protected]