由韓劇《三流之路》男星朴敘俊跟女星朴敏英合作嘅tvN新劇《金秘書為何那樣》現時喺韓國熱播中，噚晚播出第三集，朴敍俊為咗挽回一心要辭職嘅「金秘書」朴敏英嘅心，大花心思力挽佢繼續留低工作，噚晚一集就講朴敍俊包下樂園冧朴敏英，又放煙花又送公仔，最後仲想吻別朴敏英，不過就畀朴敏英stop停咗。

而朴敏英亦因為朴敍俊嘅舉動而搞到心跳加速，而朴敏英去咗相親，朴敍俊得知後就去搞破壞，當朴敏英職業病上身同相親對象整理領帶時，朴敍俊見狀即時大感呷醋，大叫：「金秘書」，又指對金秘書好失望。

喺公司運動會中，朴敍俊見到朴敏英跟同事燦成組隊比賽時，朴敍俊見到燦成肉緊攬住朴敏英又大感不滿，現時人士就大叫二人索性拍拖吧，嬲嬲豬嘅朴敍俊就因為咁而跌親受傷，朴敏英就去照顧佢，朴敍俊唔滿意朴敏英同異性玩二人三足，就問佢係唔係只要得第一，就算同唔認識嘅男人好親密都冇所謂，朴敏英就直認話：「當然啦，好過輸咗。」朴敍俊就繼續問係唔係得到第一嘅話，無論同邊個有身體接觸都冇所謂？此時朴敍俊就越挨越近朴敏英......

今晚播出嘅第四集預告中，兩人關係越來越曖昧，朴敍俊就測試朴敏英，將朴敏英拉倒喺自己懷裡，兩人喺梳化上變成女上男下嘅姿勢，而今晚一集朴敍俊越來越明確自己鍾意上朴敏英，今晚一集仲拖朴敏英手仔。

而噚晚一集嘅《金秘書》就錄得6.950%收視，成為開播以來收視最高嘅一集。

更多韓流，喺晒《娛果》
http://fb.com/appledailyent