韓國女星IU非常識冧粉絲，每次去內地開騷都會練定中文唱中文歌，噚晚佢喺長沙開騷，除特別學講長沙話外，又演唱內地劇《步步驚心》嘅主題曲《三寸天堂》。IU發音非常標準，皆因佢特別苦練咗兩星期，粉絲都大讚佢好有心，而內地網民亦激讚IU唱得好。

今日IU就由長沙飛去上海，佢嘅好姊妹、韓劇《來自星星的你》女星劉仁娜剛巧都喺上海，於是劉仁娜就貼心地去機場接IU機，二人一見面就抱抱，果然好感情！