兩日連氣爆出陳庭欣做小三，喺Ruby手中搶走有過億身家嘅彩豐行太子爺楊振源Benny。喺呢段新聞爆出之後， Benny嘅前妻有嘢講，佢喺fb話:「要慶祝離婚五週年，咁大家明晒啦！」

前妻Macy係芭蕾舞教師，好優雅㗎，喺佢嘅fb度，都係po同兩個仔嘅開心生活相。前妻Macy係芭蕾舞教師，好優雅㗎，喺佢嘅fb度，都係po同兩個仔嘅開心生活相。

不過同離婚五年嘅Benny結婚相都未刪走，証明佢好大方。前夫爆出飛Ruby，無縫接軌同陳庭欣拍拖，據悉當日同樣因第三者介入而離婚，一直負責照顧兩個仔嘅Macy，就即刻發揮佢嘅母愛本能，講明今次事件，唔好搞到佢兩個寶貝仔，否則後果自負。

「我希望你地所有報社都唔好再登我小朋友啲相囉，ok?」

佢仲出咗一個po，話自己唔會再為任何事激親，同埋過得非常好，仲要慶祝離婚五週年添。原全係事不關己，己不勞心！

「其實呢⋯⋯我覺得唔關我事架喇！呢個係人地嘅嘢黎嘅！已經係別人嘅事，唔關我事！」

擺明俾人知佢甩難！咁又係，前夫Benny同孫慧雪傳過緋聞，之後同Ruby，依家就陳庭欣，睇嚟佢都鍾意溝星，不過Macy 繼續不願置評!

「亦都唔想再評論，最主要唔好再登我小朋友啲相啦，好冇？」

離婚後，聽聞贍養費唔算多嘅Macy，帶住兩個仔住喺屯門村屋，又返工教跳舞，生活得好充實!

至於前夫Benny就住豪宅天壐，級數差咁遠嘅不過每逢星期六同日，Benny都帶兩個仔出去玩，都仲好錫兩個仔㗎。



立即按此連結下載《壹週刊》APP： http://bit.ly/next28app