【更新內容】
韓國神劇《太陽的後裔》嘅宋仲基同宋慧喬將於下月31號結婚，早前二人秘密去咗美國影婚紗照，現時已返回韓國為婚禮做準備。

而近日宋仲基頻頻被捕獲，噚日佢又被目睹現身友人嘅婚宴，有男神駕到，即時被新郎嘅親友狂集郵，而宋仲基亦都好親民，來者不拒，一一同佢哋合照。照片流出後，網民都笑指唔知宋仲基會唔會趁機吸取下婚禮嘅經驗呢。

另外，今日有網民就指目睹雙宋飛到巴黎，網民指佢坐喺飛往巴黎嘅飛機上，見到喬妹同身邊工作人員有有講有笑，於是就發現到喬妹，之後就再發現到宋仲基，未知兩人今次去巴黎是否再次影另一輯婚紗照，定係婚前旅行。