吳麗珠傍晚6時許，抵靈堂送別無綫資深演員廖麗麗(新聞連結： http://bit.ly/2yzIol5 )，吳麗珠到靈堂鞠躬，透露對上一次跟廖麗麗合作是多年前與關海山和周海媚拍民初劇，吳麗珠說：「耐唔耐同佢都有聯絡，知佢有病，有幫佢，聽麗麗講，佢呢個病喺內地唔係癌症，但香港呢邊就話佢係，知佢原先3個幾鐘手術，最終做咗11個鐘，係第一個用機械人做手術嘅人，我都有去醫院同屋企探佢。」

對於好友離世，吳麗珠都覺得很傷心：「因為諗唔到佢咁快……之前我都有叫佢睇中醫，介紹佢一啲自然療法。佢屋企人都諗唔到佢咁快(離開)，當日喺凌晨4點鐘(離世)，都好突然，可能都冇乜嘢講低，知道佢非常錫個孫，希望佢一路好走。」