今年係何韻詩嘅恩師梅艷芳逝世十周年紀念，今日更係梅姐50歲冥壽，徒弟阿詩至今未曾公開演唱過師傅嘅作品，但今年係梅姐十周年紀念，阿詩決定特別製作一張專輯《Recollections》，全部翻唱梅姐嘅經典金曲，作為向師傅交出嘅功課，專輯所收到嘅版稅，全數會捐畀「香港癌症基金會」作慈善用途。

今日凌晨十二點，阿詩喺微博話：「本來《Recollections》應該在上個禮拜完工，結果輾轉間到今天才正式完成，而我們收到母帶時剛好是十月十號的凌晨時分；一切好像是天意，我知道整個過程妳也在守護著我們，讓本來極艱巨的任務終於得以比預期更圓滿地完成。這是我能送給妳最好的生日禮物，灌進了我一切心和力，祝最愛的妳50歲生日快樂。」仲貼咗一張濛濛瀧瀧嘅相，但隱若睇到係一張「合照」。

去到朝早十時十分，阿詩就公開咗呢張與別不同的「合照」，仲話：「這張專輯雖以我一個人的聲音去完成，歌曲中卻同時有著兩個人的靈魂，故此我們認為封套上出現的也不應只我一個。時間並沒有靜止在妳離開的十年前，妳的精神永遠同在。以藝術復刻記憶，共同追憶一代芳華。Thelegacyliveson.(Photorealistartist/照相現實主義畫家:DruBlair)」

其實0依張相唔係「相片」，係由世界著名相片寫實主義及錯視畫藝術家DruBlair嘅作品，係一幅「畫」，亦都係專輯《Recollections》嘅封面。阿詩話呢一副畫用咗六位數字去完成，之後仲貼咗幾張呢副畫嘅製作過程，睇嚟喺梅姐逝世十周年紀念，阿詩真係盡心盡力。