胡楓太太呂詠荷日前因病離世，今日於世界殯儀館設靈，契女斑斑在下午5時許抵達靈堂，講到契爺修哥心情，她坦言有找過契爺，知道契媽離世消息時，剛巧正落機，所以收到很多傳媒的留言。

她眼濕濕地說：「當時我都好愕然，於是即刻打俾契爺，佢心情都唔係好平伏，我自己都好震驚，我都有安慰佢，可能佢都有心理準備，但都係唔捨得囉！」

問到近日可有陪伴契爺？斑斑坦言沒有，因為她身在澳門，亦不想騷擾他，明白到他的心情不好。不過契爺的子女都有回家陪他，所以她亦很放心。斑斑表示，契媽一直身體都時好時壞，都是患一些老人病，始終她也年紀大，之後她再說：「我都係唔想發表太多，因為始終契爺都想低調。其實之前都話想探契媽，但契爺就話唔好，後期都冇見契媽，只係靠WhatsApp嚟問候契媽，不過我都覺得足夠喇！因為病患者都唔想見太多人應酬，最後一次係杜平生日會見過契媽。」