韓國MBC電視台因存在黑名單，工會日前已進行大罷工，唔少節目都大受影響，當中《無限挑戰》、《我獨自生活》、《黃金漁場-Radio Star》等節目組亦參與罷工行動。

而MBC王牌節目《無限挑戰》今日起無限期停播，而原本喺韓國時間下午3時10分播放嘅《SHOW!音樂中心》將停播，電視台方面將於下午2時50分重播允兒、任時完主演嘅《戀愛中的王》第31集及第32集。至於停播嘅節目則會改播節目特輯來代替。