當年今日

Apple姐日記:
潘余桂珠湊女靠保鑣

蘋果日報 2002/08/07 00:00


我Apple姐雖然有唔少富貴朋友,但係真係少見識過啲身嬌肉貴嘅千金小姐,原來真係唔使做,生活優悠,重請埋保鑣寸步不離咁貼身保護。
話說我早排去金鐘港麗酒店食飯,一行入去間餐廳已經見到「名牌潘」潘廸生太太余桂珠,咁啱同啲仔女同埋佢奶奶喺嗰度食飯。當時我人有三急,趕住去洗手間。

優悠歎意粉
當我去完洗手間後,一出門口竟然見到個成六呎高嘅男人企喺洗手間門口,過咗冇耐就見個小妹妹行出嚟,佢就係潘廸生個寶貝女嘞,原來嗰個男人係保鑣。個女去洗手間,咁潘太喺邊?原來佢喺位度歎緊碟美味嘅意粉。