PeterLau人氣一時無兩，對有意認識的港女來電應接不暇。為他籌辦一系列尋找女朋友活動的好友Alan，決定多辦幾場活動，讓更多女士有機會認識Peter，頭炮是明日的遊船河。不過，Alan苦惱由於資金有限，戲肉的蘭桂坊派對仍未找到合適場地，希望獲有心酒吧贊助場地。
Alan說，在10月中的派對前多舉辦幾場活動，率先舉行的是明天遊船河，「因為有位有心人，睇完報道主動接觸我哋，願意免費借隻船畀我哋出海玩。家已經揀咗大約10個女仔同Peter上船玩吓同BBQ等。」
下周會辦一次30人的唱K活動，到時又會揀選另一些女孩出席；10月中的派對前，又會安排Peter親自派T恤給派對女孩，作初步接觸。然後就是戲肉的大派對，「Peter搵女朋友嘅最後機會就係呢次Party。」