日本組合AKB48前一姐前田敦子,成日被日本網民話佢演技唔掂,所以佢索性行出位大膽路線,最近就接拍咗深夜劇集《毒島百合子的日記》喺劇中演一個一腳踏兩船甚至三船嘅女子,佢不但止唔怕破壞形象,而且更有好多大膽床戲,仲越玩越激。
前田喺劇中連咀三男之外,仲有好多大膽戲份,前晚一集就有佢同女性朋友齊齊出浴,但係乜都睇唔到,不過,下集預告中就好厲害,唔單只同新井浩文等男人有床戲,而且更由床戰去到浴室大戰,一邊淋浴一邊搞,相信AKB時代啲粉絲見到佢拍啲咁激嘅鏡頭,都會有啲嚇親。前田咁博,都成功咁博取到話題性,仲有啲網民認為佢演技成熟咗,所以今次呢鋪都算博得過。