雖然車路士班球員喺今季表現唔多好，但球迷都唔使咁驚，因為球隊有一班等緊上位嘅青年軍！呢班U18小藍軍（圖）喺周三舉行嘅英格蘭青年足總盃決賽次回合以3:1擊敗曼城，並以總比數4:2贏得三連冠，睇嚟車仔新帥干地可以喺呢隊波度提升幾個上A隊；就連一隊嘅隊長泰利都特登去史丹福橋球場支持呢班小師弟，唔知佢有冇睇啱邊個成為佢嘅接班人呢？而車路士U18亦憑第七次奪冠，追平阿仙奴成為青年英足盃奪冠第二多嘅球隊，只係落後曼聯三次。