現年43歲嘅蔡少芬(Ada)喺08年嫁大陸武指張晉，起初大家都唔多睇好，覺得係女尊男卑嘅一對，但張晉近年事業起飛，2014年憑王家衛執導嘅《一代宗師》中飾演「馬三」一角，奪金像獎「最佳男配角」。

Ada唔怕肉麻，經常喺網上晒同老公點恩愛，仲有兩位得意囡囡楚兒同信兒，一家四口幸福滿載。Ada今日又好落力幫老公硬sell新戲《毒誡》，雖然張晉今次唔係男主角，但素顏Ada仍不顧形象，喺街見到老公張海報，竟然忍唔住錫咗一啖，留言：「看甚麼看？好。。。親你！嘿。。。親你不如去看你#毒誡張晉#來吧一起“親一個”。」

其實Ada之前已經喺公眾洗手間見過部戲嘅海報，但就好搞笑貼咗喺地下，搞到Ada好容易踩住老公身體任何一個部位，Ada話：「真的，我真的一直都好尊重你張晉，沒想到在洗手間遇見你，我還踩你的頭！