今日開來開去都係嗰幾個騎練，當中第十場二班1200米，練馬師姚本輝起用杜利萊，為19倍「好心思」爆冷打開今季勝門，連同第三場由黎海榮贏另一冷門16倍「踏雪無痕」，姚廐自製一口大冷孖寶。
「好心思」跑開千四、千六米，季內屢戰屢敗，今場縮程至千二米，卻後上將1.9倍全熱門「龍城勇將」擒下，後駒騎師羅理雅輸最後一步功虧一簣，「龍城勇將」屈居亞軍，今季未能三捷。
受行雷閃電影響，第十場延遲廿分鐘至五點半開跑，當時雨勢停咗，連帶個天都光番晒，跑落拉士幾百米至係戲肉，「好心思」拍住「真先生」一對冷馬從中叠殺上，前駒及時趕過於外欄突圍之「龍城勇將」勝出，「真先生」影輸只得第三，第四名是「有醒」，四重彩派63,377元。