「其實女仔可以好boyish、好剛強，𠵱家啲人女仔講 女權 會廣被接受同認同，咁倒番轉頭男仔都可以好溫柔。」時裝設計師Alex Po 和Derek Cheng，從小就不停思考這個問題，及至大學到外國留學，在Central Saint Martins修讀時裝學科，做功課都是去研究性別流動的議題。學成回港，大家都想以時裝為媒介，繼續探討這個沒有被好好討論和認識的命題， Ponder.er 這個時裝品牌就是這樣誕生。

撰文：楊慧珊

攝影：郭賢興

性別平等

「 Ponder.er 即係我（Alex Po）同Derek Cheng兩個個名併埋 （Po n Der），以前嘅法文有平衡者嘅意思，我哋個品牌就係講𡁵性別、stereotype（定型）等各方面的平等。」Alex 補充。「其實我哋初時兩個嘅風格都幾唔同，Ponder.er 就好似係講緊平衡返我哋兩者唔一樣的意思。」Derek 透露二人一直在生活各方面遇上一些關於性別定型的問題：「以前啲親戚成日會同阿媽講『你個仔好斯文喎』」。直到開始讀時裝，二人發覺男裝設計上比女裝的限制為多，「女仔性感是很合理，男仔就只可以tee 恤、 牛仔褲、西裝，我諗其實男仔一樣可以soft 啲，溫柔啲。」二人覺得在 香港 巿場上，很少正面探討關於性別上的話題的男裝，於是就以Ponder.er 作為平台，探討男裝更多不同的可能性，從時裝的角度重新定義男性的角色，將男裝變得更多元化。

品牌在2019 年成立，第一季就隨英國時裝協會(BFC)在巴黎時裝周中展出，「其實「陰柔」嘅男裝在外國好普遍，可能香港係一個比較壓抑嘅城巿，人人都只想迎合大眾潮流，唔去突出自己。喺香港始終都覺得男仔係要剛強，唔可以柔弱，男仔着粉紅色衫可能只會在club scene 出現，而呢樣係十分政治不正確，我哋好想藉住自己嘅品牌打破社會對男仔着衫嘅一啲規限，同埋呢個古舊嘅觀念。」

香港時裝 獨立柔美

雖然香港的生活水平昂貴，但他們依然覺得這裏有很多發展的空間，「我哋始終喺香港土生土長，同埋呢度呢一類型的男裝未係全面開發，例如男仔Dress up 就會覺得好女性化，看到see-through 嘅男裝衫會覺得好暴露。返到嚟開始左品牌之後，慢慢得知就算我地做嘅設計係有啲好誇張同唔係太主流，充滿挑戰性，但係我哋總括嚟講都係好被接受。而且同香港嘅造辦師傅有好好嘅交流，佢哋手工好，響呢度可以好方便咁同佢地直接溝通。」Derek 認為香港這個地方賦予他很多啟發，「我哋自開始以來都同香港不同的creatives 合作，圖案、珠寶、首飾、平面設計、攝影、場景設計等都是由 香港人 一手包辦。服飾中都加入不同嘅香港元素，最明顯嘅應該係我哋今季用咗紙紮嘅元素做咗一隻馬供拍攝用。」Derek 同時覺得深水埗是個寶藏：「可以好方便搵到想要嘅嘢，其實好多唔同國家嘅designer嚟到香港都會去深水埗搵材料。」

陰力反制度

二人很着重面料的研究和運用，專注於針織的Alex 稱：「伸縮線smocking、see through（透視）、knit（針織）都係我哋一啲好標誌性嘅元素，我哋會利用一啲好典型嘅傳統男裝，倒如西裝、乾濕褸、恤衫、polo，會保留佢地男裝嘅特質，make sure 每一樣嘢都有大pocket （袋），而在當中加入我哋嘅twist (變化)。」所謂twist，就是Ponder.er 式的「柔順濟」，是可以完全改變服飾的既定形象，「例如恤衫我哋會加入伸縮線去縫製，去改變佢嘅手感，變得好柔軟，之前就以一件好硬淨的牛仔褸用一個好疏嘅針織方法去做到好似水咁，將一件好男性化嘅物件『液體化』，利用面料去改變服裝嘅輪廓，今季我哋有part knit背心，一部份造到似lace有透視效果，另一部份則唔透」。他們覺得香港在性別的議題上有部份走下坡，「以前有張國榮、黃耀明去挑戰性別禁忌，現在大家都着得街頭，順應主流，依住範本去着而缺乏個性。」

溫柔的力量

春夏2021 系列的設計靈感是來自5, 60年代美國的香煙廣告，「可能時代唔一樣，所以𠵱家睇番會覺得好搞笑，佢哋強調男性主義一定要好masculine，好多肌肉，只可以gel 油頭。當中可以睇到好多當時一啲好政治錯誤嘅訊息，例如男人吸煙女人就會一定會追隨你，而我哋今次哩個系列就要去取笑番以前嘅人對性別上嘅定型嘅可笑位。」透過幽默感表達睇法更易入口，「其實面對自己嘅脆弱，才是最剛強嘅一面。」Derek 反過來說，其實不無道理，正正就如芭蕾舞一樣，一種被視為女孩子的東西，一向都不是男孩子的主流玩意，但當中優美的動作全都是力量的表現，所以他們也被香港芭蕾舞蹈團睇中，邀請合作舞台服裝，今年已經是第二次合作，溫柔男生其實一點都不弱。

-----------------------------

《蘋果》英文版免費試睇： 了解更多

英文版已登錄《蘋果》App，立即下載/ 更新： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！