當年今日

【遮打盃焦點】肉緊巴基之星!
告東尼全程金睛火眼

蘋果日報 2018/05/25 00:00


周日(27日)第八場一級賽冠軍暨遮打盃,路程為2400米,但參戰馬僅得五匹,而告東尼馬房三雄鼎立,派出「巴基之星」、「大雄圖」、「時時精綵」迎戰,實力雄厚,幾可肯定手執盃耳。

當然賽事焦點落在「巴基之星」此匹新鮮熱辣在女皇盃大勝三個馬位盟主身上。今早(24日)晨課,此駒由助手策駒往大跑道單試800米,練馬師東尼哥無論在出跑道前或課罷歸來,均金睛火眼盯到實一實,神情嚴肅非常,若論動態鏡頭,比起女皇盃一役有過之而無不及。

此外,同場對手「鷹雄」由莫雷拉考驗,今朝差不多同時間與「巴基之星」出試,試罷回程途中,拋下鞍上人,最終由騎者雷神牽引馬匹步行返沙圈,欄邊客笑說,可能係玄機未定。