特首梁振英今日出席扶貧委員會會議時，認為佔領運動凸顯香港的青年工作及青年向上流動有問題，故已決定在扶貧委員會成立專責小組。扶貧委員會成員、社聯行政總裁蔡海偉質疑小組效用，認為現時青年人是普遍對政府不滿，且對政策發展有強烈訴求，並非加強青年工作、增加上流機會就可解決。

蔡海偉表示將參與佔領運動的青年標籤為缺乏向上流動機會的一群，擔心會有反效果：「某程度上係貶低佔領運動嘅價值同意義，後生仔咁辛苦瞓咗60幾晚街，為民主發展出力，你用個別人搵唔到工嚟講，一定會反感」。他強調成立專責小組處理青年上流問題，是委員會早於7月已有共識，當時還未發生佔領運動，希望政府及社會不要將之混為一談，「我哋唔係為政府貼金，亦唔係為解決佔領運動而提出」。對於梁振英今早發言時，表明加強青年工作不等於解決佔領問題，但卻一直拖延不回應青年目前最大的訴求，蔡說：「可悲嘅係，佢（梁振英）已經無任何方法去回應年輕人」。

智經研究中心副主席、扶貧委員會成員劉鳴煒就認為不同人有不同意見：「兩件事無必要掛勾，但掛勾咗亦無損害係亦無幫助」。對於政府大推青年工作，是否可挽回年輕人對政府的信任，劉說：「傳媒同市民有自己判斷。無論如何，政府都係有政改同青年上流兩個課題，兩個課題想合埋搞定分開搞，都係要搞。」

【雨傘革命】 http://umbrella.appledaily.com
YouTube: http://bit.ly/umbrellalive