【李華華online】黃傑龍叙福樓開會被退休教師「問候」
黃傑龍叙福樓
叙福樓CEO黃傑龍喺facebook分享,今日喺叙福樓開會時被退休教師「問候」。
政府規定食客喺食肆一定要戴口罩,但好多人仍然唔多自律。叙福樓(1978)主席兼行政總裁黃傑龍今日喺facebook分享,喺天水圍敘福樓開會時,遇到堅持唔肯戴口罩嘅食客,仲差啲畀佢打。
事源有位食客去酒樓「大排檔」拎嘢食時唔戴口罩,經理力勸不果仲被佢用粗口回駡,做老細嘅梗係唔可以袖手旁觀。黃傑龍上前同個食客講:「先生不如你帶(戴)返個口罩啦」,個客似乎唔知面前嗰位係CEO,不斷問候黃生老母,仲話要「打X你呀靚仔」!呢位食客仲話自己係退休教師,「我係退休教師,我退休前唔講粗口嘅,而家就係要x你老母」。身為老師毫無公德心同教養,係教育界嘅悲哀。
黃傑龍話自己冇縮沙,仲應個客:「你打我唔緊要,我企喺度畀你打,你帶(戴)返口罩先。」不過,退休教師除咗不斷問候黃生老母,始終冇出手。可能退休教師覺得挑釁唔到黃生,最後一邊鬧,一邊戴返口罩。黃傑龍亦繼續開會。
會後黃傑龍聽返經理講,退休教師後來追問同事自己係咪請返黎嘅睇場或黑社會嗰類,同事否認。黃生喺facebook話相信呢位退休教師係一時衝動,冇郁手應該冇惡意。CEO咁大人有大量,唔知退休教師有冇為自己嘅醜態感到一絲羞恥。
-----------------------------
-----------------------------
屬於香港人的移民攻略
立即登入
【全球樓行】 Dream House零距離