新聞處處長蔡瑩璧係董建華嘅忠實擁躉,老董突然起身,蔡處長亦知係時候要諗吓去向,其實佢阿姐一早提出夠鐘要調任,只係老董當時唔放人。
八方問蔡處長會做到幾時,佢笑話,六月五日之前都會好忙。點解六月五日呢?因為胡官早日提過,特首選舉嘅提名日由六月四日開始,為期兩周,到六月十八日止,如果煲呔第一日就宣布參選,咁蔡處長喺翌日就可以退下火線,至於調去邊,佢阿姐都話未知道。
煲呔參選,除咗蔡處長會郁之外,上任不久嘅司長新聞秘書小當奴陳羿亦好快冇得做,因為署理政務司司長或者新的司長未必用佢,所謂一朝天子一朝臣,當奴仔都算好彩,做一陣就見盡政壇起落,真係千金難買嘅經驗。
傳真︰2623-9278
電郵︰
[email protected]