【新增影片】
利阿雙紅會大戰舉行前夕，紅軍主帥高路普周五出席在美活訓練基地舉行嘅記者會，大談佢賽前嘅準備、轉會問題以及眾多利迷所關心嘅問題－古天奴嘅現況。

高路普首先向對手大笠高帽，讚揚阿仙奴是一支出色的隊伍，說：「我好尊重雲格為阿仙奴以及足球界所作的貢獻，他是一個傑出的領隊，很高興能於周日與他帶領的阿仙奴碰頭。」他又期望能將球隊擊敗賀芬咸嘅氣勢，延續至周日舉行嘅賽事上。

至於古天奴的現況，高路普透露對方仍在養傷，同時未有跟巴西足總有任何接觸。雖然暫時保得住古天奴，但有見中場主力拉爾拉拿仲要養傷，加上又買唔到RB萊比錫嘅拿比基達，令一眾利迷好焦急！高路普對此冇實質回應，只係話：「8月31日前咩都有可能!」

另高路普又講到，中場安利簡恩同後衛阿歷山大阿諾特有小傷，但未有透露佢可唔可以喺雙紅會上陣。