【本報訊】由港督以至行政長官，收回言論以至表達歉意都是絕無僅有。政治評論員林和立指出，即使董建華當年也沒有為「八萬五政策」而認錯，因為領導人這樣做會影響管治威信；今次曾蔭權公開為文革言論致歉，但覆水難收，其形象與民望評分都必定受挫，在外國更或要引咎辭職。
林和立說，記憶中香港從來沒有總督或行政長官為了說錯話而公開致歉及收回言論，這樣做會影響管治威信及政府的認受程度。在民主體系裏，政治領袖在重大歷史問題上說錯話，需要引咎辭職。今年7月，日本防衞大臣久間章生因說了一句「美國向日本投放原子彈是無奈之舉」而辭職。

「諗唔到佢水平咁低」

林和立說：「曾蔭權就算收番言論，都會繼續失分。好多人諗唔到佢水平咁低，畢竟係哈佛碩士，又見過咁多大場面，都會咁無知。等如葉劉淑儀借用希特拉抨擊民主選舉制度一樣，就算道咗歉，市民都唔會原諒佢。」
他相信曾蔭權此番失言，反映了他在自我洗底的過程中，學習了過時的中共思維：「鄧小平喺89年前後都講過類似言論，話搞民主會大亂，好似文革咁。但係新一代嘅中共領導人已經唔會再講呢啲嘢。」