21歲被告祝嘉樂被控去年8月25日在荃灣襲擊警員陳勁翔。片段中錄到帶走被告的偵緝警長郭俊祺說：「搵人招呼佢上車！」被告回應：「搵人招呼我上車呀！」接着有男聲回應：「X你啦，犯法就拉你啦！知唔知呀！唔係招呼！」男聲又說：「唔係招呼呀，拘捕呀！」被告回應謂：「佢自己撠親㗎！」

郭昨日否認說該句「X你啦」是他，稱「我好似冇講粗口，把聲唔似我」。他又解釋：「沿途都有伙記，又有人揸相機衝埋嚟」，但不知是誰說那句話。

片段中被告又說：「我真係冇掂你伙記呀。」郭回應：「冇話你掂我伙記，唔好會錯意。𠵱家話你非法集結，唔係話你襲警呀，知唔知？」

但郭前日供稱，替被告上手銬時已肯定被告推警員，涉干犯襲警罪。辯方問：「話佢冇涉嫌襲警，你咁樣仲唔係誤導被告？」郭否認，指及後同事提供更多證據「先拉佢襲警」，又說並非他決定。

辯方再問：「明知有可能告襲警，點解要同佢講相反嘅說話？你目的何在？」郭稱並無任何目的。

郭起初承認從來沒有警誡被告，大狀問：「你冇警誡就同佢喺車上講咁多嘢，啱規矩咩？」郭稱他沒有主動調查及錄口供，自覺沒問題。惟郭稍後又提出：「我突然醒起，喺車上我最後好似有警誡過佢，但我唔肯定。」辯方嚴厲質問：「你當差三十年，冇可能做警誡冇作紀錄吓嘛？」郭其後否認案發時只是用非法集結的名目帶走被告，亦否認襲警罪是事後認為更合適控告才加諸被告身上。當日被指派在警車上拘捕被告的警員林健供稱，上車一分鐘後便宣佈拘捕被告及作出警誡，但辯方播片，卻找不到林宣佈拘捕或警誡被告的說話，林才承認剛才說法不正確，他解釋當日只負責拘捕，警誡工作由刑事調查同事處理。

裁判官劉綺雲裁定被告襲警表證成立，案件本月25日結案陳詞。
案件編號：WKCC3484/19