疫苗接種|長者信大陸打科興:政府唔會搵我哋笨
科興疫苗針後亡官涌體育館接種中心
一不離二、二不離三,本港市民接種科興疫苗後死亡個案,增至第三宗。其中涉及兩宗個案的官涌體育館疫苗接種中心,今日繼續有市民到場接種科興疫苗,有長者深信內地靠得住「唔會搵我哋笨」,但不諱言對出現打針後死亡個案仍感到擔心。
孫生孫太今早到官涌體育館接種科興疫苗,雖然已經休息約35分鐘,但針口位仍然有「少少痛楚」,孫太說自己屬優先群組,故被安排接種科興疫苗,對大陸亦比較信任,「希望比較層次高啲,相信嘅話,唔會搵我哋笨,係咪吖,為咗健康,為咗自己本人,為咗大家,希望疫情快啲過。」
孫太補充,雖然相信科興,但對接二連三出現針後亡個案,坦言亦有擔心,「冇擔心就假嘅,多少都有啲擔心,希望冇事啦,根據自己身體對醫學要求嘅話咪做囉。」她認為對於甚麼人可以接種,甚麼人不可以接種,患何種長期病患不可接種等,稍嫌政府宣傳不足。
另一位完成接種科興疫苗的郭先生表示,今早官涌接種中心有約二、三十人登記輪候,「不停有人上來」,他表示自己只有低糖尿,未有高血壓情況,因此認為合適接種,「我冇所謂…應該話邊個可以早啲打,就打邊個先…冇擔心,因為自己身體情況最清楚。」
孫太指雖然相信科興,但對接二連三出現針後亡個案,坦言亦有擔心。
郭先生表示自己只有低糖尿,未有高血壓情況,因此認為合適接種。
-----------------------------
你敢爆,我敢獎! 立即Signal 63836568、
WhatsApp 《蘋果》24小時爆相爆片熱線
-----------------------------
-----------------------------