【小心訂飛網呃錢】三年前海報扮新演唱會 英皇聲明斥內容虛假
演唱會twins英皇娛樂
有訂飛網站最近聲稱,可以預訂Twins今年5月喺紅館舉行嘅演唱會,有埋宣傳海報同一個黑格都冇嘅座位表,就咁睇,一啲都唔絕望。睇真啲,呢個訂飛網站使用嘅演唱會海報,係Twins嘅15年誇年演唱會海報。
英皇今日發聲明指,該訂飛網站刊登虛假內容,重申Twins未有計劃於5月舉行紅館演唱會。英皇表示,從無與該訂飛網站合作,及授權使用Twins肖像。
Twins經理人霍汶希今日回覆《蘋果》:「我哋公司小心處理呢啲事,粉絲歌迷一見網上有呢啲消息,佢哋會傳嚟我哋度求證,我哋同事都會上網睇番,o依家消費者好聰明,不過都怕粉絲蒙受損失同上當,所以立即出聲明,虛假消息實在做得太真實,保障歌迷。」
英皇發聲明,指Twins無意喺5月開演唱會,斥訂飛網站盜用Twins肖像。
留意番,訂飛網站使用嘅,係15年Twins跨年演唱會海報。(資料圖片)