【安心餘波】落選港男Flow又爆曾有人夾女藝人上房:自己周身屎嘅人
Flow梁裕恆安心黃心穎偷食港男
爆出「安心事件」後,黃心穎全面停工,目前身在美國(新聞連結: https://bit.ly/2ZGLHVi),有傳她到當地修讀有關演藝及導演的短期課程,心穎並沒放棄自己,努力進修,而飽受打擊的Sammi亦重新振作(新聞連結:https://bit.ly/2ZJEUu3),積極為7月個唱綵排備戰,同時她決定向前看、不回望,希望時間幫助局中者走出一條新路,不想浪費時光。
不過落選港男梁裕恆(Flow)日前開腔力撐心穎,連日狙擊「安心偷食」事件,一時說心穎講過「佢話會離婚」、一時化身「柯南」質疑事件誰人是最大得益者,惹起多場風波,被不少網民批評其行為「抽水」,他更多次與網民開火。
Flow今日再次在facebook提及安心事件,更揚言最後一次講,聲稱自己早前刪走「爆料片」是因為他知道的事已經說完,對自己而言已經告一段落,他強調自己一直只說4個觀點:「她是有錯」、「在被男方欺騙那一點上,她也是受害人」、「四個人嘅關係並唔係大家所知咁簡單」、「同樣事情娛樂圈或社會上不斷發生,唔使咁樣置人於死地」。
他指以前娛樂圈,觀眾不喜歡藝人結婚,所以藝人結婚都要「收埋扮冇結」,至於近年觀眾喜歡藝人結婚或情侶檔,「你鍾意浪子娛樂圈個個都浪子,你鍾意好男人,娛樂圈就個個都好男人,觀眾鍾意咩,娛樂圈就會有咩」。Flow再次暗示馬明及心穎只是觀眾喜歡的情侶檔!
Flow又指自己沒說搭上人夫是對的,自己無意挑釁所謂的網民,認為自己今次錯在不知道香港是沒言論自由,先讚過來人裕美回應大方又中肯,又指黃家三姊妹無辜被網民留言洗版圍插,他寫道:「有個人講得好啱,喺呢件事上唔踩多佢一腳就已經係敵人,講番句公道啲嘅說話已經被攻擊,其中一個原因是人是不願意接受自己一直相信嘅事係假的、錯的,我出post後大量是假account來言語攻擊,大約比例是7成假account,2成fans、1成是無聊人……所謂嘅網民真係好搞笑,會認為留幾個言就會覺得自己好威、好大攻擊性,會傷害到我弱小嘅心靈,佢哋嘅留言正好反映出佢哋嘅層次,我一句都懶得回應,對我來說不痛不痕(癢)。」
他堅稱要做自己認為對的事,同時拒絕接受任何傳媒的專訪,又叫大家反省網絡欺凌的問題,「今日又有另一條契弟出離(嚟)話我抽水,我需要抽水?我需要博出位?呢條契弟喺娛樂圈壞事做盡,曾經想夾一個女藝人上房,最後傾唔掂數,對人講咗句『你以後冇運行』,自己周身屎嘅人,做咩要提及我啲小人物,抽我水呢」、「博咩出位,我根本唔使靠呢行搵食,對我來說,簡簡單單夠食夠住,做人對得住自己良心就可以。」
不過網民都希望Flow遵守自己的承諾,真的是最後一次講安心事件!
《MCU寶石時軸全記錄》
1套6冊解構Marvel電影宇宙
入場睇Endgame前必讀天書!
https://hk.adai.ly/IFk7iee55V
-----------------------------
【記住63836568】全民爆相爆片!下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI