政府醞釀向一手樓徵收空置稅，地產建設商會執委會主席梁志堅表示，業界並非反對政府，又否認地產商「待價而沽」，反指近年因政府對樓市太多干預，造成「個個驚買唔到樓先搶住買」，導致樓價不跌反升。他期望，政府推行空置稅時不要「一刀切」，建議豁免過千呎豪宅類別和空置期以項目獲得滿意紙起開始計算等。

梁志堅於無綫節目《講清講楚》中指，現時取得滿意紙後空置的一手樓單位約3,000個，佔市場一手樓空置率約3.7%，遠低於政府估算的9,000個，「9,000個唔係事實，政府由入伙紙開始計，但應該係拎埋滿意紙先開始計，由入伙紙去滿意紙需要6個月至9個月時間」。

他指，2006年至今，曾出現1.9萬個空置單位，前年則降至4,000至5,000個，認為是與土地出售數量有關，「梁振英政府後期拎咗好多土地嚟賣，起好出嚟，多咗供應咪空置多咗」。過去5年，本港每年平均出售一手樓單位不多於2萬個，維持1.8萬至1.9萬個。

他又否認發展商「待價而沽」，「絕大部份發展商都係貨如輪轉，過去有地產商賣樓，但冇地買返，可能咪慢慢出售」，又指「賣遲啲又唔一定賣貴啲」。他提到，近年政府推出辣招壓抑樓價，但6、7年來樓價不跌反升，認為是因政府太多干預，「個個都驚買唔到樓，搶住去買，以前係搞掂自己先（買樓），依家係父母幫手上車」。

他反問政府收空置稅目的為何，「地產商有時係賣唔出，唔係唔想賣，所謂賣唔出都係3.7%，政府係咪要罰？」若政府一意孤行推行空置稅，他指「業界no say」並反映現實問題，希望政府再考慮。至於業界有否下一步行動，他說：「地產商冇諗過司法覆核」，惟當情況不能接受，影響到產權問題，有個別地產商可能有所行動。

他期望，政府在推行措施不要一刀切，「好似過千呎豪宅唔係可以即刻賣曬，要長期慢慢賣」，建議可分開處理；如地產商已盡力推銷樓盤，也希望政府豁免，「賣樓期10至20個月，咁20個月都仲賣緊，係咪真係要罰？」