韓國女團After School前32歲成員劉小英，大前年被爆撻着效力英超熱刺嘅25歲國腳孫興民，雖然事後劉小英大方認戀，不過當時孫興民卻否認戀情。

而似乎劉小英對運動員特別情有獨鍾，今日韓媒就報道劉小英同26歲高爾夫球手高雲晟拍拖兩個月，根據報道指二人喺一次朋友聚會上認識，因為同樣愛打高爾夫球所以好自然咁走在一起，兩人不時被目擊喺高爾夫球場等地方約會，同時喺高爾夫球界亦有唔少人得知二人相戀嘅事實。

對於傳出拍拖消息，高雲晟方面隨後就直認拍拖，並透露事務所方面表示現時正同劉小英好好地交往中，希望得到大家嘅祝福，而劉小英方面亦都認愛，同時亦希望得到大家嘅支持。

更多韓流，喺晒《娛果》
http://fb.com/appledailyent