伍家謙今日喺旺角出席活動，活動上佢被委任為強直性脊椎炎關懷大使，呼籲大眾關注呢個病，越早醫治復完率更高，基於好多人都唔太清楚呢個病患，伍家謙希望透過做大使身份，喚醒更多人認知病況。伍家謙即將返大台主持奧運節目，今次坐廠做主持有別於過往去到當地採訪，伍家謙話：「希望集中講香港運動員消息，籃球係我鍾意運動，都想有機會介紹。」

講到大台係咪都想招攬佢做藝人，伍家謙話：「冇，只係奧運啫，我幾時都話唔會封鎖任何可能性，o依家都唔知算唔算係一位藝人，最近喺《寒戰II》銀幕上見到自己好得意，好多朋友都話見到我出場想笑，套電影好受歡迎，個感覺係我意想不到。」