【垃圾裙羅生門】嬲苟芸慧四圍唱? 設計師Kev親回:一個月聽到3、4次

蘋果日報 2019/12/21 19:55

苟芸慧美女與野獸姚子裕垃圾裙

「垃圾裙」風波不斷發酵,疑似事件當事人的苟芸慧,今日透過經理人若蘭否認講過「垃圾」一詞,不過事件卻出現羅生門。《蘋果》今日聯絡到撰長文的星級設計師姚子裕(Kev),他稱一個月內從3、4個朋友口中聽過,並爆女藝人的老公曾承諾出credit,但最終沒有兌現。
Kev指當初只是個人發洩,沒有想過將事件搞大,他說:「我純粹唔開名呻一呻最近聽到嘅嘢,都結咗婚成年,最近喺佢身邊一啲人聽到,我就唔開名講邊個,亦唔講主角係邊個,純粹個人發洩,都好多謝咁多人關心我,諗唔到FB一篇文章變成文章。」聽到作品變成「垃圾」是否很嬲?他說:「任何人都會嬲,聽到心血同團隊做咗幾十個鐘頭嘅嘢都會嬲,我其實係好冇問題,設計嘅嘢好多時都會有rejection,如果主角老老實實去講,我係冇問題,even你唔着,去換其他sponsorship都冇問題,因為始終人夾人,但變做我喺人哋耳邊聽到,會有少少唔開心,只係諗住喺自己平台發洩吓。」
Kev透露當時為女主角先後試過3次fitting,但從未在對方身上發現有任何不滿,後來從幾個人口中得知自己作品被貶,才感到不開心。他說:「當初係propose香檳粉紅色,礙於佢哋有一啲環節好需要一條鮮黃色嘅裙,可能喺主角眼中,我未必fulfill到佢,空穴來風,未必無因,我唔係喺一個人口中聽到,我係一個月同時聽到3、4次,如果一個人講係咪有啲twist,可能係一傳十,十傳百,都有啲差距,但大致上都係聽到『呢啲咁嘅設計師』,我都唔係咩大影響力,自己喺平台放負,純粹個人發洩,冇諗過影響人。」
而事件另一個問題是「有贊助,冇credit」,Kev亦表現得有點不快:「我哋用咗3次途徑問佢幾時有相,幾時落credit,都係冇回應。當初合作,我公司有晒同佢WhatsApp嘅合作資料,係black and white傾好,係佢老公負責傾,呢啲唔緊要,你開心落credit,或者你唔記得咗,唔係問題,我唔係因為太去執着個credit,自己都可以落,問題係作為designer,要defend,有人背後話你嘅作品係垃圾,呢啲情況之下都要企出嚟講。」
對於經理人代苟姑娘否認講過「垃圾」,問到Kev會否「收貨」,他說:「我打完嗰篇文章都放低咗,自己負能量已釋出,我都有好多嘢要處理。」他強調不是因為對方沒有落credit才吐苦水:「如果漏落credit吐苦水,我一年前吐咗,我喺呢行十幾年,大大小小明星都做過,都有成就感,都係嗰句,一傳十,十傳百,都影響我reputation。」最後,再問會否與女藝人聯絡,他表示跟對方不熟,覺得件事要let it go,不想再發酵下去。
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
empty
苟芸慧與陸漢洋上年結婚,主題是「美女與野獸」。
empty
為迎合主題,苟芸慧穿上一件經典黃色晚裝。(資料圖片)
empty
苟芸慧婚禮後沒有貼過黃色晚裝上IG。
empty
但就有見過她起另一套婚紗與姊妹大合照。
empty
當晚另一套白色婚紗。
empty
Kev接受《蘋果》訪問,表示在不同渠道聽過負面評價。(facebook圖片)