【有計劃生B】林建名撐細女先睇價錢 林煒珽找好友裸體演出
林建名林煒珽
林建名細女林煒珽(Veronica)的首個個人攝影展,一連4日在中環舉行,今晚在開幕酒會上,Veronica的老公Steve、爸爸林建名、腹大便便的家姐林煒珊亦有現身支持,Steve更向太太送上一束鮮花。
Veronica透露今次攝影展以「疊影空間」為主題,展出14幅作品供認購。問到花多少時間去籌備這個攝影展?Veronica表示:「我一直都有好多相,由2014年開始睇番,然後再去諗主題,做我想做嘅嘢。」提及現場展出的5幅半裸的作品,她說:「呢個係我朋友,佢做瑜伽做咗10幾年,用身體去演繹,其實都幾難,本身想佢再裸啲,但每人嘅接受能力都唔同,所以佢就買咗連體吊帶衫,但我要求要肉色。」
忙於攝影展,沒有時間與老公「造人」?她笑說:「造人同日頭做嘅嘢係冇關,雖然我有生BB計劃,但我又有好多行山旅行,所以都冇乜時間。」家人有沒有催促她快點生小朋友?Veronica說:「家姐就生,所以唔使催我住,爸爸話豬年生係最好,而且又夾我生肖,但係而家都3月,應該趕唔切,慢慢嚟啦!」至於林建名在現場細看女兒的作品,他大讚有創意。問他會否認購當中的作品?林建名笑言要先看看價錢,他還說:「佢成日影我,過年嘅時候,我哋去日本旅行,都係佢影相。」提到他將再做外公?林建名甜笑說:「係,好開心!」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef