個個球星今夏同另一半拉埋天窗，巴塞隆拿球星尼馬偏偏玩分手，但日前佢番巴西里約熱內盧參加朋友搞嘅跳舞party，就遇番舊愛布魯娜。

有照片影到，尼馬同布魯娜當時一齊喺舞池，而前者就主動走去想同布魯娜攬攬兼竊竊私語，點知對方即刻露出一種厭惡嘅表情，好似想拒絕尼馬，但之後似乎敵不過尼馬嘅攻勢，後尾竟然軟化同舊愛攬埋一齊，仲被拍到嘴嘴。

講分手唔夠一個月，兩個人又舊情復熾？係咪巴西人真係熱情得滯，嘴嘴係碎料，定抑或尼馬真係太利害，箍煲成功，睇嚟要等當事人遲啲再親自解畫。