霍啟剛忙於為東京奧運奔波 或與郭晶晶分別赴日
蘋果日報 2021/06/13 17:56
霍啟剛郭晶晶東奧東京奧運
（右：IG圖片）
霍啟剛今日在大角嘴出席陸上龍舟競技賽活動，提到東京奧運將於7月開鑼，身為特區政府體育委員會成員、港協暨奧委會副會長霍啟剛正為奧運奔波，但疫情下很多未知之數，他坦言未知會否赴東京：「奧委會畀嘅quota好嚴謹，壓縮好犀利，要配合防疫要求，而家幾多人出隊都未知。」霍啟剛呼籲香港首次由各大電視台同步轉播奧運，呼籲大眾支持，他正在與西九合作策劃舉辦睇奧運活動，稍後會公佈詳情。
3子女留港放暑假
提到其妻郭晶晶是國際游聯官員，將會飛東京跟進跳水相關事宜，霍啟剛指若果兩人到東京，也會各自有任務未能見面。問到若他們倆一同離港，3名子女由誰照顧？霍啟剛笑說：「我都諗緊呢個問題，冇話搞唔掂嘅，佢哋都開始大個。」
霍啟剛雖然業務繁忙，但仍會當個稱職爸爸，着重親子家庭樂，他透露子女近日考完試，即安排他們踩單車鬆一鬆。一直有傳聞夫妻有意追B，又盛傳晶晶再度懷孕，霍啟剛笑笑說：「係咩？我都有睇到，但唔係呀，我哋暫時3個小朋友夠，有同太太商量過，大仔入咗小學要跟功課都好忙，做爸爸媽媽係要畀時間落去，唔係越多越好，要講質量。」
霍啟剛近日忙於東京奧運事宜，他坦言受疫情影響，仍有很多未知數。
霍啟剛今日在活動上，為龍舟點睛。
-----------------------------