下周娛圈喜事重重，名模諸葛紫岐下周二嫁入豪門做薛家少奶，下周三輪到前港姐周家蔚嫁洪天明，她昨午現身尖沙嘴婚紗店，試穿性感低胸婚紗時孕味濃郁，胸湧澎湃似谷奶，兼且腰圓肚凸，她又常不自覺地摸肚，疑雙喜臨門陀龍B。

事後，記者致電周家蔚，她繼續否認懷孕傳聞，問她臉上的紅點是否荷爾蒙起變化所致？她哈哈笑說：「聽過生BB會爆暗瘡，但我啲紅點係濕疹，前兩日食咗大蝦搞到皮膚敏感，以前都試過，今次最嚴重，睇嚟要向Toby求助睇醫生。」

對於被疑懷孕，周家蔚說：「之前陪朋友睇BB展，我諗因為咁令人誤會。」她恨陀龍B恨到流口水，她說：「我媽咪都係屬龍，我同媽咪好夾，所以我好鍾意龍B，會不設防，盡快生。」

洪天明昨日現身將軍澳電視廣播城，問他未來老婆周家蔚疑懷有身孕一事，他笑言：「我唔知佢同邊個有咗喎？冇呀！我哋一向都希望有嘅，隨緣啦！」至於有指李泳豪的中韓混血新歡Miki曾跟他拍拖，天明說：「我都唔知佢係邊個，唔關我事我唔理，我都結婚啦！總之如果泳豪有新女朋友會恭喜佢。」