杜蘭特喺今季季後賽交出MVP水準嘅演出，而呢位28歲勇士前鋒喺總決賽頭3場嘅最後一節，更加完爆騎士「三巨頭」勒邦占士（LeBron James）、K艾榮（Kyrie Irving）同路夫（Kevin Love）！

杜蘭特可以話係今季總決賽嘅「第四節先生」，佢頭3場嘅最後一節夾埋入31分，比起騎士「三巨頭」只少一分。不過，杜蘭特就係15投10中，命中率高達66.7%，當中包括5球三分；而騎士「三巨頭」就係31投12中，命中率得38.7%，當中只有3球三分。