趙薇好少晒囡囡黃新（小四月）嘅相，反而佢老公黃有龍就多，不過有好多相都唔知解會喺網上流出，而佢囡囡黃新（小四月）就都經常出鏡，小四月眼仔碌碌好得意，而且仲表情多多。

12月趙薇都喺微博自爆去咗長白山滑雪，原來佢就係同小四月去玩嘅，囡囡學滑雪，媽媽趙薇就讚教練靚仔。小四月同趙薇嘅滑雪相，相中既小四月呆呆哋，唔知係咪太凍搞到呆晒呢?而近日亦有幾張佢哋一家嘅相流出，其中一張相小四月就一心專注食手上面既食物，食得好似好滋味咁款，小朋友果然都係鍾意食嘢，小四月眼大大望鏡頭仲好萌添！另外仲有趙薇同老公黃有龍嘅合照，佢哋雖然坐得唔埋，但笑容一致，好有夫妻相。