民主黨昨午舉行大會，討論是否參與五區公投，陳日君指，依目前情況，一般方法已經不能迫使政府提出真正的普選方案，要用較激進的手段，他呼籲泛民團結，「民主黨唔可能唔參加（五區總辭），唔參加大家就損失喇，最受損失係我哋老百姓，嗰啲去遊行嗰啲，白白遊行o架喇，都無乜用o架，不過下次都要去，100萬人呀！」他希望泛民團結一致，「社民連同公民黨已經都決定咗喇，所以我諗老大哥都要跟埋啦，唔好以為時時都係老大哥領導啦……團結第一吖嘛。」
他早前曾批評政改方案原地踏步，形容政府的做法「離譜」、「遊花園越遊越遠」，當巿民「黐線」，感到非常憤怒，無論如何不會接受此方案。
天主教正義和平委員會幹事孔令瑜斥民主黨沒有承擔，若社民連及公民黨在補選中落敗，民主黨要負上極大責任，「大家用過好多唔同手法去爭普選，民主黨唔能夠接受新思維，仍然沿用一啲舊諗法，擔心失去議席，佢哋係咪肯為民主犧牲係問號，但肯定佢哋係唔肯付出。」她又指，會繼續動員巿民參與元旦大遊行，「巿民係仍然會去遊行，但係家巿民要求我哋行多一步，即使唔能夠否決個方案，點解五個立法會議員總辭都唔願意參加呢？」