【李八方online】林鄭到訪文萊籲有錢佬來港投資
蘋果日報 2015/07/27 06:00
香港投資林鄭李八方ONLINE文萊
林鄭（左）行程之一，係同文萊國家元首、首相、財政部及國防部部長蘇丹哈桑納爾‧博爾基亞會面。政府新聞處圖片
一聽文萊，有啲人可能即時諗起金碧輝煌嘅皇宮，又有啲人覺得，呢個地方係男士至愛，但原來呢度都吸引到政務司司長林鄭月娥，佢噚日抵達文萊進行訪問，係呢屆特區政府首度出訪文萊嘅主要官員。
到底林鄭係文萊，有乜好搞？原來佢抵達文萊斯里巴加灣市後，參觀文萊皇家王權博物館，了解文萊蘇丹嘅生活面貌，唔少得嘅行程當然係去拜會中國駐文萊大使楊健啦，夜晚仲去咗文萊外交及貿易部第二部長林玉成嘅晚宴。
林鄭今日行程仲豐富，除咗同文萊商界人士舉行早餐會議，hardsell借助香港平台打入內地，亦同文萊國家元首、首相、財政部及國防部部長蘇丹哈桑納爾‧博爾基亞會面，呼籲多多嚟香港投資，今晚就結束行程，返港坐陣。嚟緊林鄭要搞好全城清潔大行動，唔知仲有冇時間外訪？
到底林鄭係文萊，有乜好搞？原來佢抵達文萊斯里巴加灣市後，參觀文萊皇家王權博物館，了解文萊蘇丹嘅生活面貌，唔少得嘅行程當然係去拜會中國駐文萊大使楊健啦，夜晚仲去咗文萊外交及貿易部第二部長林玉成嘅晚宴。
林鄭今日行程仲豐富，除咗同文萊商界人士舉行早餐會議，hardsell借助香港平台打入內地，亦同文萊國家元首、首相、財政部及國防部部長蘇丹哈桑納爾‧博爾基亞會面，呼籲多多嚟香港投資，今晚就結束行程，返港坐陣。嚟緊林鄭要搞好全城清潔大行動，唔知仲有冇時間外訪？