孫達志散倉馬匹中，唔少係上季才到港之年輕V布馬，包括「文藝學家」、「包裝天才」、「快球」、「海利多」、「軍勇戰略」及「包裝寶馬」，質素尚新完全未用過，極有可能有寶藏在其中。

結合陣上表現及轉倉動向，最值得留意是「軍勇戰略」，這匹紐西蘭自購馬外地只跑兩仗獲一WIN，抵港後評66分起步，初出已造出全場第二快末段追入一席第四，可見具備一定質素，其後再跑兩仗欠表現，唔排除係練馬師留力新季再用之部署，結果反而益咗下家。

「軍勇戰略」現已轉投葉楚航馬房，同系馬「璐悅」、「軍駒」及「軍功」以往都曾在葉廐交出頭馬，練者與幕後合作早有淵源，今次再獲委以重任，當然要有所交代，新季60分降入四班起步，有機會贏兩場或以上。