韓國男團Super Junior(SJ)嘅34歲成員希澈，一向甚有異性緣，圈中仲有唔少女星好友，而主持人徐章輝就曾經踢爆過希澈可以同異性咁親密，係因為佢會先睇吓對方有乜反應，如果對方嬲豬，佢就會話講笑，所以好容易同異性混熟。

而喺今晚播出嘅KBS綜藝節目《1%的友情》中，希澈就被好友洪錫天爆料，兩人平日老友鬼鬼，不時會約出來見面食飯，希澈亦會去洪錫天嘅餐廳食飯，洪錫天喺節目上更出賣好友，指希澈每次嚟餐廳，都會帶唔同嘅女仔到場，又爆料話：「佢認識嘅女仔都係豐滿型。」希澈為免被誤會，急急解釋話自己都已經到適婚年齡，識女仔都好正常，仲即時叫洪錫天唔好爆料，引起全場爆笑。

另外，希澈嘅隊友始源近日不時喺微博及Instagram上載做運動嘅相，今日佢又喺Ig同微博分別晒佢個跑步look，被讚型爆。

更多韓流，喺晒《娛果》
http://fb.com/appledailyent