嚟緊禮拜六就榮升為羅太嘅雨僑，並冇因為人生大事而將工作停落嚟，反而係工作到大日子前一日先停工，今日佢容光煥發去到屯門，擔任美容品牌Dr.Ci:Labo全新概念店開幕嘉賓，佢透露兩個星期前成個人都好攰，連皮膚質數都變差，噚日更加發燒加感冒，幸好休息一晚後已經康復過來，未婚夫羅力威亦冇被傳染。

自認工作狂嘅佢坦言工作才有推動力，先可以保持到最佳狀態結婚，相反休息少不免會變懶影響狀態，她自爆婚後工作表依然爆滿，所以預計八、九月才去度蜜月。籌備結婚事宜全交由未婚夫安排，佢笑住話:「我確保有戒指同婚紗就得，日前終於試咗件婚紗，設計師好出色，手工巧奪天工，感覺好澎湃，唔係性感，意思係指婚紗拖尾好長，好靚好感動。」佢表示可能仍然工作心情，所以心情未有緊張，或者前一兩日啲緊張就會爆發出嚟。

精選娛聞，喺晒《娛果》
http://fb.com/appledailyent