【新增回應】

37歲舞台劇導演及演員黃嘉威被捕，有指警方於本月15日接獲一名少女報案，指一名男子自5年前起，向尚未成年的她作出猥褻行為及拍攝她的不雅影像。消息稱，警方懷疑另有數名13至14歲女童受害，正全方位調查案件。警方扣查後，已被暫控向十六歲以下兒童作出猥褻行為及製作兒童色情物品，案件將於明日在西九龍裁判法院提堂。

黃嘉威是香港演藝學院戲劇學院學士學位榮譽畢業生，主修表演，同是演藝出身的李思欣，跟黃嘉威曾是同班同學，李思欣今日回覆《蘋果》時話：「我喺演藝就讀咗兩年，第二年先同佢同班同學，大家唔算好熟，以我所知，佢演咗好多舞台劇，做過好多導演，聽到呢件事有啲愕然。」

林盛斌（Bob）也認識黃嘉威，兩人更是fb朋友，Bob今日回覆傳媒：「十幾年前讀大學嗰陣喺出面玩業餘劇社認識，之後有幾次公開場合見返，私下冇聯絡，只係喺社交平台了解佢幾年嘅工作同生活，希望警方可以查出真相，其他嘢唔評論了。」

曾跟黃嘉威合作《偶然．徐志摩》舞台劇嘅黃澤鋒接受《蘋果》電話訪問表示：「我哋係好朋友，覺得佢份人唔係咁，識咗七、八年，我係相信佢為人，佢份人好好，好幫人，睇到新聞都好愕然，諗咗好耐，好難過，但你問我，自己100%相信佢為人，未判決唔會相信。」問到知唔知黃嘉威計劃明年結婚？黃澤鋒表示：「佢份人好內斂，未聽過佢講結婚。」